കോ-ബ്രാന്ഡിംഗിന്റെ പേരില് തടഞ്ഞുവച്ച കഴിഞ്ഞ സാമ്പത്തിക വര്ഷത്തെ ക്യാഷ് ഗ്രാന്റില് ഒരു രൂപ പോലും കേന്ദ്രം നല്കിയിട്ടില്ലെന്ന് വാര്ത്താക്കുറിപ്പിലൂടെ ആരോഗ്യമന്ത്രി വീണ ജോര്ജ് അറിയിച്ചു. ആരോഗ്യ രംഗത്തെ കേന്ദ്രാവിഷ്കൃത പദ്ധതികളില് കഴിഞ്ഞ സാമ്പത്തിക വര്ഷത്തില് കേരളത്തിന് തരാനുള്ള മുഴുവന് തുകയും അനുവദിച്ചു എന്ന തരത്തിലുള്ള പ്രസ്താവന വസ്തുതകള്ക്ക് നിരക്കുന്നതല്ലെന്നും ആരോഗ്യമന്ത്രി പറഞ്ഞു. ഇത് സംബന്ധിച്ച യൂട്ടിലൈസേഷന് സര്ട്ടിഫിക്കറ്റും 2025 ഫെബ്രുവരി വരെയുള്ള ഫിനാന്ഷ്യല് മോണിറ്ററിംഗ് റിപ്പോര്ട്ടുകളും ഇതിനോടകം അയച്ചു കൊടുത്തിട്ടുണ്ട്. ഈ റിപ്പോര്ട്ട് കേന്ദ്രത്തിന് ലഭ്യമാക്കുമ്പോഴാണ് അടുത്ത ഗഡു ഫണ്ട് അനുവദിക്കുക. ഇതുസംബന്ധിച്ച് എന്എച്ച്എം സ്റ്റേറ്റ് മിഷന് നല്കിയ രേഖകള് ആരോഗ്യ വകുപ്പ് മന്ത്രി വീണാ ജോര്ജ് നിയമസഭയില് വച്ചു.
